تلفزيون السلام - البيت يلي في الصورة هو بيت اول مدير لمستشفى طولكرم الدكتور خرطبيل، كان ساكنه في الثلاثينات، وكان يستقبل فيه ضيوفه، وفي المقابل الدكتور خرطبيل كان يتنقل في مناطق شمال الضفة طولكرم . جنين . نابلس وغيرها

لمهمة معالجة الثوار المصابين.على العموم...هاد البيت تنقلت ملكيته من واحد لآخر...حتى وصل لعائلة السخن واللي بتعتبر من اقدم العائلات واغناها في طولكرم، الها مخمر الموز القديم اللي بجنب المسجد القديم مقابل صيدلية الرازي...والها كمان الطاحونة القديمة اللي عند مفترق التربية والتعليم القديمة..في الساحة اللي بتروح على بيت دار اهلها للاسيرة دعاء الجيوسي...والها مبنى قديم جداً ومهمل حالياً ومهدوم جزء كبير منه مقابل المسجد القديم اللي بيستعملوه الناس حالياً كساحة لسوق السبت (الرابش)...يعني كثير مباني واماكن تعد من معالم المدينة.زيد برهم واللي هو كمان يعتبر من اغنياء طولكرم..اشترى بيت خرطبيل من عائلة السخن بمبلغ زاد عن مليون دينار..واشترى الساحة اللي حوالية بمبلغ زاد عن 1 ونص مليون دينار..وامام اعين الجميع وفي وضح النهار اجت الجرافات وهدمت معلم من معالم طولكرم (بيت الدكتور خرطبيل)...على مين الدووور يا ناس...الاسرائيليين اصدروا مؤخراً قائمة بتضم مواقع تاريخية واثرية فلسطينية ضموها الهم...واحنا قاعدين بنهدم مواقعنا الاثرية والتاريخية بايدينا...وينكم يا مسؤولين...وينك يللي بتسمي حالك وزارة السياحة والآثار...وين وزارة الثقافة...والكل متواطئ وبيعرف بالموضوع من زمان

ما تعليقكم ....؟؟