تلفزيون السلام - فلسطين : طبيب لأم مريض:"اذا بدك ابنك يتعالج لا تنبشي وتعملي مشاكل"

إتهمت مواطنةٌ فلسطينية أحد أطباء المستشفى الحكومي بمدينة جنين بسوء التعامل والتقصير الشديد مع حالة إبنها الطفل "خالد علام الديسي" البالغ من العمر 18 عاماً، المصاب بـ"متلازمة داون"، ووصفت والدة الطفل المستشفى بـ"المقبرة".


وتناقلت عدة صفحاتٍ إخبارية رسالةً قالوا أنها من والدة الطفل، وهذا نص الرسالة حرفيا كما ورد: "انا أم لشاب عمره 18 سنه اسمه خالد علام ديسي من ذوي الاحتياجات الخاصه ، متلازمة داون ..منغولي .. الولد تعب من عشرين يوم تقريبا اخدنا على المقبرة اللي اسمها المستشفى الحكومي بعد الفحص تبين انه عنده التهاب رئوي حاد …اعطونا مضاد حيوي وحكولنا تابعوا بالبيت واذا ما تحسن رجعوا …الولد بلش يتعب اكتر من أول لدرجه انه بطل يقدر يمشي راجعنا المستشفى اكتر من 3 مرات والدكاتره يحكولي ما في شي .
ابنك ما بيقدر يمشي لأنه سمين…ودكتور منهم مره من المرات سال الولد المنغولي اللي ما بيعرف يعبر او يشرح ..شو بيوجعك حكاله ضهري…طبل على ضهرو وقاله انحف انت ناصح…سالت الدكتور ليه رجلي منفخات قالي من النصاحه وعلى هالمعدل …لحد ما حسيت انه الولد بيموت رحت اخدتو على الرازي بارك الله فيهم صوروا اشعه وبسرعه نسقوا مع الحكومي ووصوا عالولد …لانه بين مع الولد ..انه في مي عالرئه وتليف ………. الطبيب المعالج يقول لها اذا بدك ابنك يتعالج لا تنبشي وتعملي مشاكل ."


المصدر: رام الله الاخباري